Pagkaing Pinoy

Nagmula sa mga Malay ang unang pagkaing Pinoy dalawampung libong taon na ang nakakaraan. Sa kanila nagmula ang pagkahilig ng mga pinoy sa pagkaing maanghang at may gata. Sa mga Tsino naman nagmula ang pagkain ng mga Pinoy ng pansit at ang pagkahilig sa pagkaing may sawsawan at sarsa. Ang mga Espanyol naman ang nagturo ng mga pagkaing ginigisa na ginagamitan ng iba't ibang pampalasa. At dahil dito, ito ay nagbunga ng tinatawag sa ngayong kinaugaliang pagkaing Pilipino.

Si Gaita Fores ay isa sa pinakasikat na chef sa Pilipinas. Ang kare-kare ay isa sa pinakasikat na pagkaing pinoy na nagmula sa Pampanga na kilala bilang “Culinary Center of the Philippines.” Malimit itong inihahanda tuwing pista, kaarawan, pagtitipon ng pamilya, o kaya sa isang simpleng tanghalian o hapunan ng isang pamilya.

§  Sinigang

Ang Sinigang ay isang lokal na lutuin na may sangkap na karne, isda at shellfish na niluluto sa maasim na sabaw na may kasamang dahon ng kamote, kangkong, sitaw, okra, sigarilyas, puso ng saging, ugat ng gabi, hiniwang talong at labanos. Maaaring gamitin ang sampalok, hilaw na mangga, bayabas, santol at kamias bilang pampaasim. Kung isda ang nais isigang, miso at dahon ng mustasa ang ginagamit sa pagluluto.

Sangkap

1 kilo	laman ng baboy
1 tasa sampalok	(bunga o usbong)
½ kutsarita	asin
4 piraso	kamatis (buo lamang)
1 tali	petchay
1 tali	kangkong, pinutol sa 2" ang haba
1 tali	okra
1 tali	sigarilyas, pinutol sa 1" ang haba

Paraan ng pagluto

1. Palambutin ang karne.
2. Pakuluan sa aparteng kalderong may kaunting tubig, kamatis na buo at sampalok.
3. Kapag lumambot na ang karne ay ihulog ang buong gabi.
4. Kapag malambot na ang gabi ay isabay ang sitaw, kangkong, sigarilyas at okra.
5. Hanguin ang ilagay ang nilagang kamatis sa pinggan at ligisin o pigain at ihulog sa sabaw ng sinigang.
6. Hanguin ang sampalok at ligisin ito sa pinaglagaang tubig at salain bago itimpla sa sabaw ng sinigang.
7. Isama ang asin ayon sa alat at asim.

§  Kare-kare

Ang kare-kare ay isang lutuing paborito ng mga Pilipino. Gawa ito sa karne, bituka o buntot ng baka at samu’t saring gulay. Pinakukuluan ang karne hanggang lumambot at saka hinahaluan ng dinurog na mani at malagkit na kanin na pinong pino. Ito ang nagpapalapot sa sarsa at nagbibigay ng kakaibang lasa sa ulam. Sa mga panahong ito, peanut butter na ang ginagamit sa halip na dinurog na mani at kanin. Ang kaalatan ng ulam ay nanggagaling sa bagoong alamang na kasama nito.

Sangkap

2	kilo	pata ng baboy, hiniwa sa katamtamang laki at pinalambot.
3	kutsara	mantika
8	butil	bawang, tinadtad
1	piraso	katamtamang laki ng sibuyas, hiniwa
1	kutsarita	patis pantimpla
⅓	tasa	dinurog na mani
⅓	tasa	dinurog na tinustang bigas
1	kutsara	katas ng atsuete
2	piraso	talong, hiniwang pahilis
1	tungkos	sitaw, hiniwang 3" ang haba
1	piraso	maliit na puso ng saging, hiniwa
½	tasa	bagoong alamang guisado

Paraan ng pagluto

1. Painitin ang mantika sa kaserola at igisa ang bawang at sibuyas.
2. Timplahan ng patis ayon sa panlasa.
3. Idagdag ang dinurog na mani at bigas.
4. Ibuhos ang sabaw ng pata.
5. Kulayan ito ng katas ng atsuete.
6. Pakuluin at isama ang pinalambot na baboy.
7. Pakuluan hanggang lumapot ang sabaw.
8. Isama ang mga gulay at palambutin.
9. Ihain kasama ng ginisang bagoong alamang.

§  Ginataan

Ang Ginataan o guinatan ay isang uri ng pagluluto na mayroong gata. Ihalo ang ikalawa at kakang gata sa baboy, manok, isda, lamang dagat at mga gulay para sa iba’t ibang ulam. Ang kasarapan ng gata ay kaakibat ng pagdagdag ng mga sili. May mga panghimagas ding tinatawag na ginataan: Halo-halo na gawa sa ugat ng gabi, kamoteng-kahoy, kamote, ube, saging na saba, langka at sago; Bilo-bilo gawa sa kaning malagkit na hinaluan ng tubig at kinorteng bola; Totong (ginataang monggo) gawa sa tutong na monggo babalatan at saka hahatiin.

Sangkap

20 piraso dahon ng gabi, pinatuyo 2 piraso malalaking niyog, ginadgad 1 tasa maligamgam na tubig 1 kutsara mantika 1 kutsara tinadtad na bawang ½ tasa tinadtad na sibuyas 1 kutsara tinadtad na luya ¼ kilo liempo, hiniwang pakuwadrado ¼ tasa hibe, binabad sa tubig 4 piraso siling labuyo, tinadtad ½ tasa alamang

Paraan ng pagluto

1. Hugasan at tuyuin ang mga dahon ng gabi.
2. Paghiwalayin ang mga dahon at tangkay.
3. Tanggalin ang makating bahagi ng mga tangkay.
4. Hiwaing 1" ng haba ang mga tangkay.
5. Gataan ang ginadgad na niyog sa maligamgam na tubig.
6. Sa kawali, painitin ang mantika at igisa ang bawang, sibuyas at luya.
7. Idagdag ang karne at sangkutsahin.
8. Isama ang hibe, siling labuyo, alamang at tangkay ng gabi. # Lutuin hanggang lumambot.
9. Sa bawat dahon ng gabi, maglagay ng isang kutsara ng ginisang mga sangkap.
10. Ibalot at iayos sa kaserola o palayok.
11. Ibuhos ang kakang gata.
12. Lutuin hanggang magmantika ang gata at maluto ang gabi.

§  Kaldereta

Ang kaldereta ay pangkaraniwang niluluto na may karne ng kambing. Sa mga panahong ito, pwede nang gamitin ang kahit anong karne. Pinakukuluan ang karne hanggang ito'y lumambot at dahan-dahang lulutuin na may malapot na sarsa na gawa sa tinadtad na sibuyas, bawang, kamatis at durog na paminta. Maaaring ibahin kung gaano kaanghang ang lutuin. Maaari ring magdagdag ng hiniwang patatas at karots.

 Sangkap

tubol 1 kilopurorot batok o walang butong bahagi ng baka ¼ kilo puting sibuyas, hiniwang maliliit ⅓ tasa dinikdik na bawang 4 piraso pulang sili (red bell pepper), 2 hiniwang pino at 2 ay hiniwang medyo malaki ½ tasa tomato paste 1 dahon laurel 4 kutsara mantika ¼ kilo atay ng manok 5 piraso patatas, hiniwa sa apat 3 piraso siling labuyo ½ kutsarita asin 3 tasa tubig

Hiwain ang karne, at papulahin sa mainit na mantika.Paraan ng pagluto

1. Isama ang bawang, sinuyas, kamatis, laurel, siling labuyo at red bell pepper (pino).
2. Lutuin hanggang lumambot.
3. Timplahan ng asin, at isama ang tomato paste.
4. Lagyan ng 3 tasang tubig at hayaang kumulo nang 2 oras hanggang maluto ang karne.
5. Haluin maya't maya.
6. Dagdagan din ng tubig paminsan-minsan habang hinahalo.
7. Habang pinapalambot ang karne, iprito ang patatas sa kawali hanggang maluto.
8. Pakuluan ang atay ng manok sa kaunting tubig.
9. Habang lumalambot na, durugin ng tinidor habang nilalagyan pa ng kaunting tubig.
10. Kapag luto na ang karne, idgagdag ang patatas, red bell pepper (malaki) pati na ang dinurog na atay.
11. Painitin pa nang 5 minuto at patayin ang apoy.

Adobo

Ang adobo ay itinuturing na pambansang ulam sa Pilipinas. Ito ay pinakuluang karne ng baboy o manok na niluto sa toyo, bawang, suka, buong paminta at dahon ng laurel. Pinakukuluan ang karne ng mahinang apoy hangga't mabawasan ang tubig at lumambot ang karne. Ang iba’t ibang gulay at shellfish ay pwede ring lutuin sa ganitong paraan.

Paraan ng Pagluluto ng Adobong Manok: 

1. Pagsamahin sa isang kaserola ang manok, suka, isang kutsara ng bawang, laurel, toyo, asin at paminta. 

2. Pakuluin, pagkatapos ay hinaan ang apoy at lutuin hanggang lumambot. 

3. Kapag natuyuan ay magdagdag ng tubig.

1. Kapag malambot na ang manok ay alisin na ito sa sarsa.
2. 212 Sa isadas

Maari ring dagdagan ng ½ kutsarang asukal para bawasan ang asim ng suka.